شانِ رسول صلی اﷲ علیہ وسلم

فیاض عادلؔ فاروقی
نازِشِ عالمِ کن فکاں آ گیا فخرِ کونین و سعدِ زماں آ گیا
رشکِ مَہر و مہ و کہکشاں آ گیا وجہِ تخلیقِ کون و مکاں آ گیا
نازِ حور و ملک انس و جاں آ گیا زینتِ عرشیاں فرشیاں آ گیا
مہ جبیں، نازنیں، جانِ جاں آ گیا بہترین و حسینِ جہاں آ گیا
دلنشیں، دلبرِ دلبراں آ گیا سید و سرورِ عاشقاں آ گیا
کرنے رخصت چمن سے خزاں آ گیا ساتھ لے کے بہارِ جِناں آ گیا
سِرِّ توحید کا نکتہ داں آ گیا فاش کرنے یہ سِرِّ نہاں آ گیا
بن کے رحمت کی روحِ رواں آ گیا ابرِ رحمت برائے جہاں آ گیا
امن و انصاف کا پشتیباں آ گیا الفت و رحم کا نغمہ خواں آ گیا
فرش پر زیبِ کرُّوبیاں آیا یا زمیں پر کہوں آسماں آ گیا
مستی و بے خودی میں زمیں آ گئی وجد میں، کیف میں آسماں آ گیا
عالمِ خلد سے عادلِـؔ بے قرار دیکھنے کو مدینہ یہاں آ گیا