حمدِباری تعالیٰ عزوجل

عظیم راہی
آساں ہے کہ مشکل مرے مالک مرے مولا
تُو ہے مری منزل مرے مالک مرے مولا

بس ایک جھلک ایک جھلک ایک جھلک بس
میں ہوں ترا بسمل مرے مالک مرے مولا

گم راہ ہوں بے یار ومددگار نہیں ہوں
دکھلا مجھے منزل مرے مالک مرے مولا

جس دل کو ترے ذکر سے آرام نہ آئے
کس کام کا وہ دل مرے مالک مرے مولا

اک اشکِ ندامت کے سوا کیا ہے مرے پاس
وہ بھی ترے قابل؟ِ مرے مالک مولا

پڑتانہ ترا عکس تو ممکن ہی نہیں تھی
یہ تاب وتب گِل مرے مالک مرے مولا

راہی کو کسی شمع کا پروانہ بنادے
اے صاحب محفل مرے مالک مرے مولا